Contaronme que viñas de camiño
e sinto no meu corpo ese embarazo
que fai que conte cada segundiño
ata sentirche enriba do regazo.
Xa soño con contarche esas “batallas”
que gardan os avós para os herdeiros,
ollarte e babexar mentres ti argallas
descubrindo da vida os seus sendeiros.
Tomarche da manciña e pasear
e darche todo xeito de agarimos,
sentarme a caron teu e averiguar
onde viñemos e cara onde imos.
O conto, é que non es, mais cun fetiño
e xá me tes toliño na tua espera
e con tal co que veña este saniño,
que sexa neno ou nena non ten pega.